香港打工仔真係唔易做，唔止要應付龐大嘅工作量、日日追KPI，仲要每日對住啲麻煩人同事。有網民最近喺社交平台呻，話佢朋友返工壓力大到情緒出事，最後要搵心理醫生睇，但醫生同佢講：「不如辭職休息吓啦。」問題係，一辭咗職就冇錢，邊有本事繼續睇醫生？呢個「唔返工無錢睇醫生，返工又病得仲勁」嘅死循環，真係太寫實，太多打工仔中哂伏。
唔少人話自己有同樣經歷。有網友分享，當年堅持頂住、唔肯辭職，結果每隔幾個月就情緒爆發，藥食極都未好，反而後尾決定辭職，雖然短期手緊啲，但情緒開始穩定返，好過之前日日扮無事咁頂硬上。另外有心理輔導專業人士指出，唔少情緒病根源就係來自份工，如果長期困喺一個壓力爆燈嘅職場，唔理食幾多藥、睇咩醫生，都好難好得返。
不過講到尾，現實係殘酷嘅，唔係個個可以話走就走。冇收入，對於有啲人嚟講生活壓力更大，除咗辭職之外，仲有咩方法可以幫自己舒緩壓力？
1. 每日10分鐘「放空練習」
每日抽十分鐘，搵個靜靜地嘅地方坐低，唔玩電話，唔戴耳機，就咁靜靜坐喺度。唔使特別諗野，淨係留意自己呼吸，慢慢吸氣、慢慢呼氣，等個腦可以休息吓。呢種「呼吸冥想」聽落好似好玄，其實真係有用，尤其當你個人好煩躁、好緊張嗰陣，做十分鐘已經有效，幫你放鬆，個人都冇咁易爆炸。
2. 規律睡眠 + 睡前一個鐘唔睇電話
成日捱夜，第二朝又要早起身返工，搞到個人又攰又冇精神。最理想係每日都喺差唔多時間瞓覺同起身，就算係星期六日都一樣。加上睡前一個鐘盡量唔好再睇電話、睇email或者message，唔好再畀啲公事入侵腦袋，等個腦有時間準備入睡，咁先可以建立優質睡眠。
3. 養成運動習慣（每週至少三次）
運動唔一定要打波跑步，有時快步行半個鐘、拉下筋、跟YouTube做吓啲輕量運動已經夠晒。或者放工早一站落車，行返屋企吸下新鮮空氣。運動可以幫身體釋放啲正面荷爾蒙，會令情緒冇咁緊繃。
4. 飲食要顧 + 補充關鍵營養
唔少打工仔早上趕時間，成日唔食早餐，但冇食嘢個腦真係郁唔到，情緒會更容易低落。平日盡量三餐均衡，亦要適量補充維他命，例如維他命B有助穩定神經系統及情緒、D3對陽光不足導致嘅抑鬱有幫助、鈣鎂鋅則有助放鬆。不過記得唔好亂買補充品，最好先咨詢吓專業意見。
5. 建立情緒出口
香港人習慣咩都「頂住先」，但頂得耐就會爆。有時搵個信得過嘅朋友或者家人傾吓心事，講出嚟會舒服好多。如果你唔鍾意講嘢，都可以試下寫日記、畫畫、做手作，甚至錄音，總之搵個方法去釋放自己啲情緒。唔好成日收收埋埋，遲早會爆煲。
6. 睇醫生前可先諮詢社工或心理輔導熱線
如果覺得睇私家醫生負擔大，其實香港有唔少社福機構提供免費或者資助嘅心理支援服務，好似明愛、東華三院、醫管局精神健康熱線等都可以幫你。佢哋唔止幫你解憂，有啲仲會有社工陪你行第一步，唔使獨腳上陣。
其實轉工有時反而係「救命」。如果你覺得而家份工真係頂唔順，可以考慮搵份壓力冇咁大嘅過渡工作，例如做收銀、文職、圖書館助理、送貨等等，等情緒好番晒之後，再返返正軌都仲得。
好工推介
職場熱話
- 1
- 2
-
AI衝擊加上地緣政治不明朗 應屆畢業生就業前景 可能係40年嚟最差？
TOP 1 -
歐洲初創圈掀起996爭論：賣命式工作文化是否值得仿效？
TOP 2 -
穩定工作、升職加薪、結婚生子 真係成功人生方程式？ 網民：「不如趁早尋找屬於自己的生活節奏」
TOP 3 -
返工壓力爆煲情緒出問題 辭職又驚冇收入 打工仔點樣走出死循環？
TOP 4 -
AI衝擊職場？研究：實際影響仍然輕微 反而增加人類工作量
TOP 5
-
【打工仔必知】惡劣天氣下唔返工會唔會被扣人工？ 僱主可以要求WFH？
TOP 6 -
律政司招聘合約法律書記 月薪$23,585
TOP 7 -
同事表面友善背後放冷箭？打工仔慘變「是非精」箭靶！學識呢幾招保護自己更重要！
TOP 8 -
做在職媽媽並非好事？哈佛研究：事業媽媽子女更易成功！
TOP 9 -
英國推AI助手改善公務員工作 每日慳近半小時工時
TOP 10
-
中六合彩後生活會變成點？得主女兒：父母中獎後性格劇變 欣賞佢哋冇畀金錢蒙蔽雙眼
TOP 11 -
公屋最差屋邨掀爭議 多條邨上榜被列大鑊原因 網民：人心不足？
TOP 12 -
關注組版主發表27頁長兩餸飯經濟報告 一盒飯映照經濟及文化變遷
TOP 13 -
工時長人工低選擇轉工 卻被母親無情指責 慘被鬧「唔生性、冇用」
TOP 14 -
女上司麻煩過男上司？網友反駁：「有啲人天生愛控制，無論男女都係咁！」
TOP 15
-
日本企業推行商用名字制度 打工仔對客可使用假名 避免被人起底或騷擾
TOP 16 -
內地「存款千萬換實習」惹熱議 業界：產品收益差距縮 增值業務變護城河
TOP 17 -
理財7大誤區 你中幾多個？避免常見理財錯誤
TOP 18 -
住深圳 日日搭高鐵返工 打工仔大讚極方便 網民看法不一：齋搭車都要三千蚊
TOP 19 -
消費降級係咩感受？中年打工仔：「最難受莫過於身邊人要陪你一起捱」
TOP 20
